‏أنا على طيفك تولعت من جد
واثر الغلا مايرحم اظروف راعيه
.
رغم الجفا ومعاتب الروح والصد
أجمل من إحساس المحبين مافيه

اجمل  هدايا  العمر انسان يغليك
واجمل هدايا الحب انسان  وافي

روحه رهينه لك وبالعمر  يفديك
فيه الوفاء  والعهد  للحب صافي

صوتك يريّح خاطري لاسمعته
ياحي صوتك يابعد كل الاصوات
َ
حتى كلامك غير لامن نطقته
ودي تعيد السالفه عشر مرات

أبرك الساعات وأحلاها وصالك
لا تقـاطع ، جعلني ماأذوق مرك

معك لاتنشد جنابي كيف حالك
الأمور بخير ، وأحوالـي تسرّك

ولقيتُها قلبًا يضمُّ سعادتي
ولقيتُها دومًا لأيامي سقَت

شطرًا يُتمِّمُ شطرَ روحي قُربهَا
لا فرَّق الله القلوبَ إذا التقت

تسال عيوني يا غلاها عن الذوق
ما يكفي انها ساهمت باختيارك


وتسال خفوقي كيف ما هزّه الشوق
ويا طول ليلٍ ما يعانق نهارك

‏علي ربي الشاهِد مايغنيني منك حيّ
‏فلا تبعدك شكـه .. ولا قـول متقـوّل
‏ِ
‏في عيني غديت الكِل ولا البشر ؟ لا شي
‏و حبـك منـع قلبي .. لا يـدخله متجوّل

‏كبرت الشرهات فـ أمورٍ زهيدة
‏العرب في تالي الوقت إستطاروا

‏كل من حيرحل يحسب إنّه فقيدة
‏والفقايد صدق تحت الأرض صاروا

‏انا النادر الليّ لو رحل مستحيل يعود
‏ولو كنت أغلى من عرفته وقدرته

‏تطير المشاعر كلها مع هبوب النود
‏ولا تهون نفسي عند من زان منزلته

‏من زود حرصي عليك وكثرة الاهتمام
‏بعطيك بيت يكفي عن ثلاثين بيت :

‏انت اخر انسان في بالي لا جيت انام
‏وانت اول انسان في بالي لا صحيت …

‏ودي أكلمك كل اشوي واسكر
‏ابغى أتطمن مثل لو إنك أوزاني

‏من أمس واليوم والليله وأنا أفكر
‏تكفى تحرص على روحك على شاني .

‏العيون اللي نظرها محّط الأهتمام
‏كل هايم وده إن الحظوظ تحالفه

‏لوّ تطوّل فالسكوت وْتقصّر فالكلام
‏أنت عينك تقدر إنها تقول السالفه.

‏بعد ماتجاذبنا السوالف عتب وإهمال
‏وخذاه السكوت وغيّر الصمت سالفته

‏على قد قلبي .. مد جرحه وقام وقال
‏دقيقة وأجي لك وخمس سنين ماشفته !

‏عن كل صدمه جاتني منك مشكور
‏ياللي على درب الردى اليوم دلوك

‏اخطيت في حقي وقلت الك معذور
‏وقطيتها براسي وصكيتني بلوك

‏حاول توازن بين عقلك والإحساس
‏وعيش الحياة اللي تبيها لذاتك

‏إن كنت بتوّقف حياتك على الناس
‏بتموت ما سويت شي بحياتك .

‏انا ادري ان الليالي السود خداعه
‏شفني من مرافق الرديان متخلص

‏بعض العلاقات كانها غاز ولاعه
‏ان طولت ست خمس ايام وتخلص

‏اعترف قبل لا أرتّب كلامي وأقوله
‏ما يبرمج عقول الناس غير الصراحة

‏آه من كربةٍ ما تنفرج بـالسهولة
‏ما كشفها طبيب أعصاب وإلاّ جراحة

‏إن تناسيتها وأخذت دور البطولة
‏العزوم ارتخت والصبر سلّم سلاحه

قلبي حزين والخاطر ماهو طربان
‏والنفس ما لقت يا فهد من يسليها

‏اشتقت وانا من كثر الشوق تعبان
‏وبكيت وعيني مالقت من يواسيها

من وين ما رحنا لنا العز محجوز
وإذا حضــرنا بالصفـوف الأوليـه

نسابق الطيّب على الطيب ونفوز
ونعـطـي ولا  ننتـظر  رد العطيـه

ضمي ضلوعي وابري الجرح القديم
‏يمكن مع أنفاسك يطيب وينجلي

‏هذا مكان ضلوعك اللي به تقيم
‏وانتي تعالي فوق صدري واعتلي .